Seychelles EU Connection
Would you like to react to this message? Create an account in a few clicks or log in to continue.

Festival Kreol: Laserenad - SCAA, Moris gannyan pour meyer flot

Go down

Festival Kreol: Laserenad - SCAA, Moris gannyan pour meyer flot Empty Festival Kreol: Laserenad - SCAA, Moris gannyan pour meyer flot

Post  Sirop14 Tue Oct 31, 2017 5:09 pm

Festival Kreol: Laserenad - SCAA, Moris gannyan pour meyer flot

30-October-2017
Laserenad, enn bann levennman pli popiler dan Festival Kreol, ti fer son retour Sanmdi apremidi koman ‘Laserenad Enternasyonal’.
Sa sanzman dan tit i akoz komite lorganizasyon Festival Kreol ti deside pour sa lannen enkorpor Karnaval Enternasyonal ansanm ek sa laserenad.
En lafoul dimoun ti alinyen dan lavil Victoria sa Sanmdi apremidi byen so pour obzerv sa defile miltikolor ki ti enkli partisipasyon bann lorganizasyon ek groupman lokal ensi ki etranze.
Prezan pour sa lokazyon ti Vis-Prezidan Vincent Meriton, plizyer minis, bann o-zofisye governman ek lezot envite distenge.
Minis pour Lazenes, Spor ek Kiltir, Mitcy Larue, pa ti paret prezan me sa mister ti ganny rezourd kan premye flot ti ariv devan seksyon kot envite ti pe asize.
Anefe se Minis Larue ek son delegasyon ki ti diriz laserenad ansanm avek departman kiltir kot tou zot bann partisipan, ki ti enkli latroup nasyonal ek lekol ladans, ti konmans egey lafoul avek zot tenm ‘Lakey Seselwa, nou tradisyon ek nou bann valer’.
Ti annan antou 30 flot ki ti partisip dan laserenad e zot tou zot ti ganny sakenn 2 minit pour egzibit zot flot pour bann manm ziri kapab ziz meyer flot.
Dapre Joel Rose, ki ti sef ziri, tou bann partisipan ti lib pour swazir zot prop tenm e alors ziri ti pe obzerv mannyer zot enterpret sa bann tenm dan striktir zot flot, dan zot koreografi, ensideswit.
I bon pour note ki departman kiltir pa ti pe ganny zize vi ki zot pa ti form par sa konpetisyon.
Se lazans laviasyon sivil Sesel (SCAA) ki ti venker kategori meyer flot lokal avek zot tenm ‘Bib sega’ ki ti ganny tre byen apresye par bann envite ek lafoul.
Sa bann travayer SCAA ti’n degiz konman bann bib sega, ki en zensek ki form par nou ekosistem inik. Zot tenm bib sega ti osi depikte konman nou Seselwa nou pa kontan reste trankil e toultan pe bouze.
Dezyenm pri dan sa kategori ti al pour groupman Laxmi Trading, Shreeji Group e Gopi Veg Shop tandis ki trwazyenm pri ti al pour bann trwazyenm-az avek zot tenm maryaz tradisyonnel.
An sa ki konsern kategori pour meyer flot sorti aletranze Moris ti sorti konman gran gannyan avek zot danser ek mizisyen ki ti pe demontre tradisyon ek modernite dan zot koreografi ek labiyman.
Couler Reunion sorti kot nou zil ser Larenyon ti termin dan dezyenm pozisyon e Notting Hill, ki abitye partisip dan bann karnaval oparavan, ti retourn se zot avek trwazyenm pri.
Ziri ti osi rekonpans bann flot ki ti fer en zefor spesyal e sa pri ti al pour lekol Belonie segonder ek lekol Baie Lazare primer.
Dan en entervyou avan ki laserenad ti konmanse Galen Bresson, sef egzekitif lazans responsab pour lendistri kreatif ek levennman nasyonal (CINEA), ti dir ki fodre nou met plis lanfaz lo promosyon nou kiltir espesyalman Festival Kreol.
« Mon krwar in ler pour ki tou Seselwa i met en zefor pour fer nou Festival Kreol vin festival pli enportan, pa zis pour Sesel me osi ki i vin ikonik e reprezant lemonn Kreol. »
Lo son par Minis Larue in dir ki i akey partisipasyon tou lorganizasyon ki’n partisip dan Laserenad Enternasyonal me ki i osi dezapwente ki serten lazans gouvernman pa’n deside partisipe.
I ti azoute ki sa i petet akoz kontrent letan vi ki komite Festival Kreol ti konmans organiz tou keksoz apepre 3 mwan pase.
« Lannen prosen definitivman nou pou konmans preparasyon pli boner dan Zanvye pour fer sir ki laserenad i de fwa pli meyer ki sa enn,» Minis Larue ti dir avek zournal Seychelles NATION.

http://www.nation.sc/article.html?id=256318

Sirop14

Posts : 26727
Join date : 2008-06-02

Back to top Go down

Festival Kreol: Laserenad - SCAA, Moris gannyan pour meyer flot Empty Re: Festival Kreol: Laserenad - SCAA, Moris gannyan pour meyer flot

Post  Sirop14 Wed Nov 22, 2017 2:50 pm

12e édition du Festival Kreol: Anil Gayan désigne la presse comme des prophètes de malheur
https://www.lexpress.mu/photos/320979/12e-edition-festival-kreol-anil-gayan-designe-presse-comme-prophetes-malheur

Sirop14

Posts : 26727
Join date : 2008-06-02

Back to top Go down

Back to top

- Similar topics

 
Permissions in this forum:
You cannot reply to topics in this forum