Travay lo plizyer proze lakaz pe byen progrese

Travay lo plizyer proze lakaz pe byen progrese

16-February-2016
Travay konstriksyon lo plizyer proze lakaz ki’n konmanse lannen pase e menm avan pe byen progrese e si tou keksoz i mars dapre plan e napa okenn konstrent mazer pour met retar, plis ki en santenn lakaz i ekspekte ganny remet avek Minister pour Later ek Lakaz (MLUH) pour fer alokasyon sa lannen.
Responsab proze kot MLUH Msye Keith Arnephy i dir ki apard serten pti problenm ki leve toulezour e ki lorite i adrese, «an zeneral travay lo lamazorite sa bann proze i ahead of schedule».
Msye Arnephy ti donn sa bann detay pli boner sa semenn ler i ti pe koz enpe lo progre ki pe fer lo sa bann proze.
Parmi bann proze ki Msye Arnephy i dir i ekspekte konplete ver lafen sa lannen ou boner lannen prosenn i sa trwa proze ki pe ganny finanse anba Fon Abu Dhabi pour Devlopman e sa se proze ex-ION (Barbarons), Kashugy (Bel Ombre) ek Desaubin (Takamaka).

http://www.nation.sc/article.html?id=248429

Home Ownership Scheme - More benefits for home buyers


Families eligible for the recently announced 25% reduction in the purchase of their house under the new component of the Home Ownership Scheme will start to reap the benefit as from next month when the mechanism will come into effect, Minister Christian Lionnet has announced.
The minister responsible for Land Use and Housing said work is underway to finalise the operation of this component of the Home Ownership Scheme.

http://www.nation.sc/article.html?id=248502

Minis i vizit proze kominoter dan Was ek Sid-Es Mahé

18-April-2016
Fodre met lanfaz lo valer pour larzan lo bann proze kominoter ek amelyorasyon servis, Minis pour Zafer Sosyal, Devlopman Kominoter ek Sport Vincent Meriton in dir.

Minis Meriton ti dir sa Vandredi apre ki i ti’n vizit diferan proze kominoter dan distrik Grand Anse Mahé, Anse Boileau ek Anse Royale.

Bi sa bann proze se pour fer lavi bann zabitan pli agreab.

«Nou bann zabitan i annan en drwa lezitim pour zot kapab ganny lespas pour zot detann atraver bann fasilite kominoter, pour fasilit akse avek zot lakaz e osi anmenmtan gete ki mannyer zot kapab kontribye atraver bann progranm dan devlopman kominoter,» i ti dir.

I ti dir ki avek sa drwa i vin en lobligasyon ki gouvernman i annan e sa vizit Vandredi ti form parti bann promes ki Prezidan ti dir i pou realize pandan premye 100 zour son manda.

«Premye 100 zour in pase e nou pe met lanfaz lo servis, ki mannyer gouvernman i kapab kontinyelman amelyor servis ki i donn son popilasyon. Sa R30 milyon ki nou depanse toulezan pour bann pti proze kominoter i en bon sonm larzan e nou bezwen valer pour larzan,» i ti dir.

Minis Meriton ti osi demande ki plis bann pti kontrakter i ganny anmennen lo bann proze en fason ki bann responsabilite i ganny byen partaze ant sa bann kontrakter e ava napa retar dan sa bann proze.

«Ler ou annan en sel kontrakter i diviz sa pti lakantite zonm ki i annan atraver sa bann proze ou vwar en ta retar ki arive,» i ti dir.

I pe osi anvoy en responsabilite lo bann zabitan pour ki zot respekte e donn en koudmen pour mentenir sa bann fasilite atraver gard sa landrwa prop pour garanti son soutenabilite e pour kapab limit bidze ki ganny servi anmezir ki gouvernman i reprioritiz son bann depans.

Minis ti ganny akonpannyen par son konseye spesyal Dan Frichot.

http://www.nation.sc/article.html?id=249130